Henrik Old: Nevndin skal hava frið at viðgera tunnilsmálið

Landsstyrismálanevndin skal hava frið at viðgera málið um Skálafjarðartunnilin. Men ber tað ikki á mál, og tað vísir seg at viðurskifti verða duld, so má ein kanningarstjóri setast.
 

Tað sigur Henrik Old, løgtingsmaður fyri Javnaðarflokkin, sum fyribils hevur valt ikki at skriva undir brævið um at seta ein kanningarstjóra.

Ein annar javnaðartingmaður, Gerhard Lognberg, hevur heldur ikki skrivað undir. Hann heldur, at tær ein til tvær miljónirnar, sum tað fer at kosta at seta ein kanningarstjóra, fara betri til eitt nú eldraøkið ella heimahjálpina.