Bárður Nielsen ógreiður um hallið á fíggjarlógini

Formaðurin í fíggjarnevndini, Bárður Nielsen, sum hósdagin gjørdi greitt, at hann vil hava hallið burtur í 2016, var ikki so avgjørdur, tá hann umrøddi fíggjarlógina fyrr í ár.

Orsøkin var heildarætlanin Fólkaflyting og fólkavøkstur, sum ein arbeiðsbólkur læt landsstýrinum. Arbeiðsbólkurin mælti til at gera íløgur fyri 700 mió. kr. næstu árini, til tess at tryggja fólkavøkstur í Føroyum.