Høgni Hoydal kærir løgmann til landsstýrismálanevndina

Høgni Hoydal, formaður í Tjóðveldi, fer nú at kæra løgmann fyri landsstýrismálanevndina.

- Eg vil ikki hava, at tað skal vera nøkur umbering fyri ikki at kanna leiklutin hjá løgmanni, sigur Høgni Hoydal.

Løgtingið feldi hósdagin eitt uppskot um misálit á løgmann. Grundgevingin hjá fleiri tinglimum fyri at atkvøða ímóti uppskotinum var, at landsstýrismálanevndin arbeiðir við málinum og at nevndin skal hava frið at arbeiða.

Men Landsstýrismálanevndin kannar bara ein part av leiklutinum hjá Kára P Højgaard, fyrrverandi landsstýrismanni í innlendismálum, og Sirið Stenberg, forkvinna í nevndini, hevur undrast á, at eingin tinglimur hevur heitt á nevndina um at kanna leiklutlin hjá løgmannii í tunnilsmálinum.

Tað verður gjørt nú.