Vanligu orðabøkurnar ótíðarhóskandi

Ert tú í iva um, hvussu eitt orð verður bent, kanst tú nú fáa svarað ivaspurninginum á teldlinum ella snildtelefonini.

Sprotin gevur 13 orðabøkur út á einari orðabóka-app.

Í orðabóka-appini eru 10 orðabøkur millum føroyskt og onnur mál umframt tríggjar føroyskar orðabøkur.

- Vit hava altíð roynt at tillagað okkum nýggjastu tøknina, fyri veita brúkarum eina tíðarhóskandi tænastu, sigur Jonhard Mikkelsen, stjóri í Sprotanum.

Appin er tøk á heimasíðuni hjá Sprotanum, og hon er ókeypis at brúka til 1. januar 2014.