Eingin útflutningur til Russlands í fleiri ár

Tað kann taka fleiri ár hjá Varðanum Pelagic og Norðborg aftur at fáa loyvi at útflyta fisk til Russlands, um fyritøkurnar enda á svarta listanum hjá russisku heilsumyndugleikunum.

Tað sigur Bárður Enni, stjóri á Heilsufrøðiligu Starvsstovuni.

Bæði Varðin Pelagic og Norðborg eru dottin niður á gula listan hjá russisku heilsumyndugleikunum, og vandi er fyri at detta niður á reyða listan, sum er svarti listin hjá russisku heilsumyndugleikunum.