Løgmaður velur samgonguna fram um samkynd

Løgmaður heitir á samgongutinglimir um ikki at atkvøða fyri uppskotinum hjá trimum andstøðutinglimum um at loyva samkyndum at giftast borgarligt.

Sostatt gongur Kaj Leo Holm Johannesen ímóti síni egnu sannføring um rættindini hjá samkyndum.

Uppskotið, sum tey trý, Poul Michelsen, Rigmor Dam og Bjørt Samuelsen, løgdu fyri tingið mikudagin, kemur til fyrstu viðgerð í aðru viku.

Hoyr samrøðu, sum Finnur Koba hevur gjørt við løgmann um málið.