Vilja hava betri javnvág í sáttmálan við russar

Einki spurdist burtur úr fiskirættindasamráðingunum millum Føroyar og Russland í Havn í gjár.

Jacob Vestergaard, landsstýrismaður, sigur, at enn er ikki semja um javnvágina í sáttmálanum, t.e. hvussu nógva uppsjóvarfisk vit skulu lata fyri at fáa tosk í Barentshavinum.

Landsstýrismaðurin sigur, at ymisk viðurskifti millum Føroyar og Russland verða umrødd í samráðingunum, men hann fæst ikki at siga, um støðan hjá Varðanum Pelagic, sum ikki sleppur av við sína vøru á russiska marknaðinum, eisini er partur av samráðingunum.

Samráðingarnar verða tiknar uppafyur 9. desember.