Havsbrún um elprísir: Kappingarførið versnar

Kappingarførið hjá Havsbrún versnar upp aftur meiri, nú SEV hevur gjørt av at hækka elprísin hjá virkinum við fimm oyrum fyri kilowatttíman. Nú er munurin ímillum Havsbrún og eitt íslendskt virki millum sjey og átta miljónir kr. um árið, staðfestir stjórin í Havsbrún, Odd Eliasen.

At SEV hevur samtykt at hækka prísin við fimm oyrum aftrat, merkir, at Havsbrún næsta ár skal rinda á leið hálva millión kr. meir fyri streymin. Hækkingin sum varð samtykt í dag, kemur oman á hækkingina í fjør, sum var seks oyru fyri kilowatttíman.

- Vit eru komin í eina ónda ringrás, har prísurin nú hækkar hvørt ár, og av tí sama versnar kappingarførið, sigur Odd Eliasen