Kanningarstjóri: Trupulleiki fyri fólkaræðið, verði eg vrakaður

Í gjár kom fram, at Annfinn V. Hansen, advokatur, ið er útnevndur kanningarstjóri í málinum um Skálafjarðatunnilin, í næstum skal í rættin at umboða Løgmansskrivstovuna í sak móti Starvsmannafelagnum.

Løgmansskrivstovan er aðalráðið hjá Kaj Leo Holm Johannesen, løgmanni.

Sjálvt málið snýr seg um nøkur lønarkrøv hjá starvsfólkum í gamla Uttanríkisráðnum. Málið er gamalt, frá 2010.

Sjálvur sær Annfinn V. Hansen, advokatur, ongan gegnistrupulleika í, at hann arbeiðir fyri løgmann samstundis sum hann skal kanna løgmann.

Hoyr samrøðuna, Bogi Godtfred gjørdi við Annfinn V. Hansen, advokat, í tíðindunum fríggjakvøklið.