Størri møguleikar við frystilínuskipi

Eitt frystilínuskip gevur fleiri møguleikar.

Tað sigur Líggjas Johannesen, skipari og reiðari, nú felagið hevur gjørt av at keypa eitt frystilínuskip úr Noreg, sum skal koma í flotan í staðin fyri línuskipið "Klakk", sum felagið hevur átt í 20 ár.

Nýggja frystilínuskipið er á stødd við størstu línubátarnar, sum hava verið í føroyska flotanum, og tekur góð 300 tons av avhøvdaðum frystum fiski.
Nýggi "Klakkur" fer væntandi í vinnu um hálvan januar.

Verandi "Klakkur" hevur verið í føroyska flotanum síðani í 1960, men verður ikki partur av virkseminum hjá felagnum í framtíðini. Hvat verður gjørt við skipið, er ikki endaliga avgjørt, sigur Líggjas Johannesen.