Sjóvinnustýrið: Viðlíkahald verður ikki altíð gjørt eftir reglunum

Royndir vísa, at ov lítið er skjalfest, tá útróðrarbátar, sum hava havt fleiri eigarar enn ein, verða umvældir, og viðlíkahald verður gjørt.

Ofta ger eigarin tað mesta sjálvur.

Og tað arbeiðið er ikki altíð eftir galdandi reglum hjá Sjóvinnustýrinum.

Millum tvey sýn verður ofta nýggj útgerð sett í bátar, og ótíðarhóskandi útgerð, sum er í ólagi, tikin úr bátinum. 

Hetta hevur mangan við sær, at gjøgnumføringar, sum til dømis kaðalar, rør, akslar og lúkur, verða gjørdar, sum ger vatntættleikan verri.

Ellinor, útróðrarbáturin Ellinor

Ellinor sakk 8. november í fjør.

Frágreiðingin um Ellinor avdúkar, at Sjóvinnustýrið hann sýna vatntættleikan betur.

Vatntøtt høvuðsskott, vatntættar lúkur og inspektiónslemmar og veðurtættar hurðar kunnu fyribyrgja, at smábátar søkka ov skjótt.

Tað sigur Sjóvinnustýrið, sum hevur kannað, hví útróðrarbáturin Ellinor fór at leka og sakk.

Sjóvinnustýrið fer at seta meira fokus á hetta og serliga á kanadiskar bátar. 

Ellinor var bygd í Kanada.