Tunnilsuppskotið verður helst jólatrøll

Breiða semjan um Skálafjarðartunnilin og Sandoyartunnilin livir enn, hóast ætlaðu samráðingarnar í vikuni higartil hava verið av ongum.

Tað sigur landsstýrismaðurin við ábyrgdini fyri at finna semjuna, Jørgen Niclasen.

Uppskotið, sum arbeitt verður við byggir á uppskotið, sum Bjørt Samuelsen og Aksel V. Johannesen løgdu fram fyrr í ár, t.e. at verkætlanin skal vera almenn.

Á fíggjarlógini eru 15 milliónir krónur játtaðar til partafelagið Skálafjarðartunnil og Sandoyartunnil, men ivasamt er, um tunnilsuppskotið verður lagt fram fyri jól.