Avbyrgja sjúklingar á Landssjúkrahúsinum

Deildin B6 á Landssjúkrahúsinum er í løtuni isolatiónsdeild í eini roynd at basa tilburðum av leysum lívi og spýggju, ið kunnu vera vandamiklir fyri eldri og veik, og tey heilt smáu.

Tað verður ikki noktað avvarðandi at vitja fólk, ið eru vorðin sjúk og liggja avbyrgdu. Men heitt verður á tey um at venda sær til starvsfólkini á B6 fyrst, tá tey koma á vitjan.

Hoyr William Smith, smittuverjufrøðing á Landssjúkrahúsinum, í útvarpstíðindunum.