Gerðarrættur skal viðgera handilsstongsul

Danmark bað í gjár heimshandilsfelagsskapin, WTO, um at seta gerðarrættin, sum skal viðgera handilsstongsulin hjá ES móti Føroyum.

Boykottið kom í gildi síðst í august í fjør. Áheitanin um at seta gerðarrætt verður viðgjørd 22. januar.

Landsstýrið bað í fjør Danmark, sum er limur í WTO, um at lata WTO viðgera boykottið hjá ES móti Føroyum.

Hoyr samrøðu við Bjørn Kunoy, løgfrøðiliga ráðgeva hjá Uttanríkistænastuni á Løgmansskrivstovuni og leiðara í føroysku/donsku sendinevndini, sum førir málið móti ES í WTO, í útvarpstíðindunum.