SEV: Ákontugjøld fara í søguna

Ákontogjøldini hjá SEV eru á veg í søguna.

SEV hevur tikið í nýtslu nýggja gjaldskipan, sum er knýtt at fjar-avlestrinum. Sum frá líður verða allir kundar bundnir í skipanina, sum bert krevur inn gjald fyri veruligu elnýtsluna, og ikki metta nýtslu.

Ákontogjøldini detta av hesum sama burtur komandi árini. Nýggja skipanin fær helst fólk at verða meira tilvitað um el-nýtsluna, sigur Bogi Bendtsen, deildarstjóri fyri fyrisitingina í SEV.