Frítekst tagging:
- Tíðindi, mentan og ítróttur
Lønarkarmurin er útgangsstøði fyri samráðingum
Lønarkarmurin er útgangsstøði fyri samráðingum
Møguleiki er fyri, at onkur starvsbólkur kann fáa størri lønarvøkstur enn onnur innan fyri karmin
Tá skrivað var undir lønarkarmin í Tinganesi seinnapartin í gjár.
Mynd: Bjarni Árting Rubeksen
06.02.2026 - 13:06
- Avtalaði lønarkarmurin merkir ikki, at fólk fáa 3,87 prosent í lønarvøkstri. Tað er eitt útgangsstøði til tær samráðingar, sum nú standa fyri framman.
Tað sigur Súni Selfoss, formaður í Starvsfelagnum, nú 12 fakfeløg hava gjørt fimm ára avtalu við Fíggjarmálaráðið um lønarkarm.
Súni Selfoss, formaður í Starvsfelagnum, og Ruth Vang, landsstýriskvinna í fíggjarmálum, tá tey høvdu skrivað undir lønarkarmin. (Mynd: Bjarni Árting Rubeksen)
Tey 12 feløgini fara nú at samráðast hvør sær við lønadeildina hjá Fíggjarmálaráðnum.
Við avtalaða lønarkarminum er møguleiki fyri, at onkur starvsbólkur kann fáa størri lønarvøkstur enn onnur. Og avtalan hevur eisini reglur um sonevnda stilling, ið kann brúkast til at geva serligan fyrimun til onkran starvsbólk.
Hoyr innslag í útvarpstíðindunum:
06022026_Lonarkarmur
Er kopiera
Nýggjastu sendingar í ÚV
