ORKA í støðugari broyting

13. juni gevur bólkurin - ella tónleikafyribrigdið - ORKA hjá Jens L. Thomsen út nýggja fløgu.

"Leipzig" er grundleggjandi øðrvísi enn tær báðar undanfarnu, tí tónleikurin hjá ORKA er í støðugari broyting eins og orka úti í náttúruni, sigur Jens L. Thomsen.

Orka byrjaði sína tilveru í einum fjósi á Innan Glyvur á Skálafjørðinum eitt 2. jólakvøld miðskeiðis í nullunum. Síðan hevur ORKA verið á konsertferð við heimskenda Yann Tiersen, innspælt í saltsiloini í Havn og spælt upp á Føroyar.

Uni Leitisstein Hansen hevur tosað við høvuðsmannin í ORKA, Jens L. Thomsen, um hvat vit kunnu vænta okkum frá ORKA í hesum umfari.