Mistur atkvøðurættur ávirkar ikki valdið í ÍSF

Ætlanin hjá Ítróttarsambandinum at avtaka atkvøðurættin hjá limafeløgunum til aðalfundin, er jalig, og hevur ikki við sær, at limafeløgini missa vald.

Tað halda fleiri ítróttafeløg, sum Kringvarpið hevur tosað við.

ÍSF hevur aðalfund fríggjadagin, og tá skal uppskotið um at avtaka atkvøðurættin hjá limafeløgunum viðgerast.

Tey 120 limafeløgini í ÍSF missa tó ikki heilt møguleikan at hava ávirkan, tí feløgini eru limir í 16 sersambondum, og sersambondini missa ikki rættin at atkvøða. Sersambondini skulu sostatt umboða limafeløgini á aðalfundum.

Fleiri av teimum smáu ítróttarfeløgunum halda, at broytingin fer at hava við sær, at tey kunnu fáa meira at siga. Tað heldur eitt nú Allan Larsen, sum er formaður í Klaksvíkar Billiardfelag.