Vit eru ikki nóg væl fyrireikað til Sea Shepherd

Felagið Føroysk Marknaðarfólk mælir almennu myndugleikunum til at fyrireika føroyingar betur at svara spurningum um grindadráp, nú djóraverndarfelagsskapurin Sea Shepherd er í Føroyum.

- Tað kann fáa avleiðingar fyri tey, sum selja vørur uttanlands, um umdømi Føroya verður skatt, sigur Eiler Fagraklett.

Hann er formaður í Føroyskum Marknaðarfólkum, ið er felag, har marknaðardeildirnar hjá nøkur av størstu fyritøkunum í Føroyum eru limir.

- Tað almenna átti fyri langari tíð síðani at latið føroyingar betur í, sigur hann.