Ølkríggið er gull vert hjá Føroya Bjór

Kravboð og hóttanir um stevningar hava sjáldan nakað gott við sær, men í hesum førinum koma tær væl við hjá Føroya Bjór í málinum um gullølina í Íslandi. 

Tað sigur Niels Arge Galan, formaður í felagnum Samskifti og stjóri í lýsingarfyritøkuni Sendistovuni.

Kravboð komu annars úr Íslandi til Føroya Bjór um, at føroyska gullølin skuldi av íslendsku handilshillunum - og hótt varð við stevning og rættarmáli.

Síðani hevur Føroya Bjór einki frætt aftur úr Íslandi - og føroyska ølið er framvegis á íslendsku handilshillunum.

Nú sigur sakførarin hjá Ølgerðanum, sum bryggjar ølið Egils Gull, at tað als ikki er óhugsandi, at íslendski marknaðurin rúmar bæði Egils Gull og Føroya Bjór Gull.