Advokatur: Løgmaður ógegnigur í Anitu-málinum

Fráboðanin hjá løgmanni um fyribils at taka øll fiskirættindi frá Anitu var ein roynd at varpa ljós á okkurt annað enn Skálafjarðartunnilin.

Tað sigur advokaturin hjá reiðarínum hjá Anitu, sum eisini heldur, at løgmaður er vorðin ógegnigur í málinum.

Jens Andrias Vinther, advokatur, sigur, at løgmaður hevur dømt reiðaríið, áðrenn tað hevur fingið møguleika at svara ákærunum aftur, og tað er álvarsamt, sigur hann.