Føroya Banki: Mæla til at rinda 80 milliónir í vinningsbýti

Á aðalfundinum hjá BankNordik, ella Føroya banka, í dag fer nevndin at mæla til, at goldnar vera 80 mió. kr. í vinningsbýti.

Tað eru 8,33 kr. fyri hvørt partabræv, sum hevur navnvirði, ella nominelt virði, á 20 kr.

Ársúrslitið hjá bankanum fyri 2023 er 307,5 mió. kr. Vinningsbýtið er 26 prosent av yvirskotinum.

Bankin hevur annars sett sær sum mál, at 70 prosent skulu latast í vinningsbýti.

Kanna bústaðarmarknaðin

Orsøkin til, at tað ikki verður í ár, er, at Fíggjareftirlitið kannar, um bústaðarmarknaðurin og marknaðurin fyri vinnubygningar í Føroyum og Grønlandi er í lagi.

Kanningin hjá Fíggjareftirlitinum er ikki liðug enn.

Tí vera 227,5 mió. kr. settar av.

Uppskot er um, at fólk, sum eru 70 ár ella eldri, kunnu ikki veljast í nevndina hjá Føroya banka.