Kanningin: Meginparturin av peninginum brúktur

Løgtingið hevur longu brúkt nógv tað mesta av pengunum, sum løgtingsformaðurin hevur biðið løgtingið um í eykajáttan til at kanna løgmann og fyrrverandi landsstýrismannin í innlendismálaráðnum.

Løgtingið er biðið um tvær milliónir og 850.000 kr. til kanningina hjá løgtinginum í ár.

Okkurt um 2,6 mió. kr. eru longu brúktar, áðrenn løgtingið hevur játtað pengarnar. Uppskotið um eykajáttan er nú í Fíggjarnevndini.

Hvør tími í Dómhúsinum, tá fólk vórðu spurd til kanningina, kostaði næstan 10.000 kr.