Fíggjarleiðarin: Ætlanarskrivið er karaktermorð

Fyrrverandi fíggjarleiðarin á Strandferðsluni vísir staðiliga aftur øll viðurskifti, sum liggja til grund fyri, at hann skuldi sigast úr starvi.

- Ætlanarskrivið um uppsøgn er eitt karaktermorð av mær, bílagt úr Vinnumálaráðnum. Tí noyðist eg at verja meg móti ákærunum, sigur Hans Petur Joensen.

Kringvarpið hevur fyrrapartin tosað við Hilmar Eliasen, stjóra á Strandferðsluni, fyri at fáa hansara viðmerkingar til málið.

- Vit viðgera í løtuni innlitsumbønir um ætlanarskrivið, og vit savna eisini skjølini í málinum. Eg vil i ikki at gera viðmerkingar til málið, áðrenn tað arbeiðið er liðugt, sigur Hilmar Eliasen.

Mynd: Hans Petur Joensen, fyrrverandi fíggjarleiðari á Strandferðsluni