Pedagogar: Langt á mál at skipa landsfelagsskap

Tað ber væl til at tosa um fakfelagssamstarv. Men haðani er langt á mál, áðrenn fakfeløgini kunnu fara til sáttmálasamráðingar saman.

Tað sigur Maud Wang Hansen, forkvinna í Pedagogfelagnum, nú fleiri fakfeløg rógva framundir, at rættast er at savna feløgini í eitt landsumfevnandi fakfelagssamstarv.

Í 22 dagar í februr 2012 stóð Pedagogfelagið púra einsamalt í einum verkfalli, hóast felagið fór til samráðingar saman við øðrum feløgum.