Samráðast um norðhavssild og makrel í september

Farið verður undir samráðingar millum strandarlondini fyrst í september, skrivar felagið Nótaskip á heimasíðu síni.

Lagt verður fyri við at samráðast um eitt nýtt býti av norðhavssildini. Tær samráðingarnar verða 6. og 7. september.

Síðst í september verða so samráðingar um eitt nýtt makrelbýti.

Eftir at ICES er komið við einum tilmæli fyri makrel, norðhavssild og svartkjaft fyri næsta ár, verður farið undir regluligar strandalandafundir í oktober, tá tvær vikur eru settar av til samráðingar.

Allir fundirnir verða í London.