Statoil fer - dyrgja nú eftir øðrum oljufeløgum

Statoil og fýra onnur oljufeløg hava latið trý loyvi at leita eftir olju í føroysku undirgrundini innaftur.

Í tí eina loyvinum eru tveir brunnar boraðir. 

Í 2006 varð leitibrunnurin Brugdan boraður, og í 2012 varð farið undir Brugduna tvey. Tann boringin varð ikki liðug í 2012. Hon varð tikin upp aftur og gjørd liðug í ár. 

Í hvørgum brunni, Brugduni ella Brugduni tvey, vórðu kolvetni funnin. Dong, ExxonMobil, OMV og Atlantic Petroleum vóru saman við Statoil í hesum loyvinum. 

Í hinum báðum loyvunum eru jarðfrøðiligar kanningar gjørdar, men ongin brunnur er boraður. Her vóru ExxonMobil og OMV saman við Statoil, sum var fyristøðufelag í øllum trimum loyvum. 

Avbjóðingin hjá Jarðfeingi nú er at fáa onnur oljufeløg at vísa áhuga fyri føroysku undirgrundini.

Hoyr samrøðu við Maluna Ellefsen, jarðfrøðing á Jarðfeingi.