Helvtin av serlæknunum fer frá um fá ár

Nærum helvtin av serlæknunum í Føroyum er 60 ár og eldri. Læknarnir fara frá fyri aldur í seinasta lagi um sjey ár.

Tað kann elva stórt trot á serlæknum, samstundis sum tað er torført at fáa serlæknar til Føroya at starvast.

Tað sigur næstformaðurin í Serlæknafelagnum, Fróði Joensen, sum er yvirlækni á barnadeildini á Landssjúkrahúsinum.

Serlæknar søkja ikki størv í Føroyum, tí arbeiðsumstøðurnar eru vánaligar, sigur hann.