Ung kvinna: Bardagin við HPV

“Tað er sjálvandi ikki bara HPV, sum eg eri bangin fyri. Tað er meira, hvat virusið kann elva til.” 

Tað sigur ein ung dulnevnd kvinna, sum ikki varð koppsett fyri HPV. 

Tá ið hon fekk staðfest HPV hjá læknanum, kundi hon ikki ímynda sær, hvørjar avleiðingar hon fór at stríðast við. Hon hugsaði, at hon skuldi undir skurð, og so var trupulleikin loystur. 

Fotografur: Bárður Thomsen

Men veruleikin var ein annar, og tað skuldi vísa seg at hava varandi avleiðingar við sær. Bæði kropsliga og sálarliga.  

Skurðviðgerðin varð gjørd í undirlívinum. Hon hevur framvegis pínu, og tað er trupult at hava kynsligt samband. Orsakað av, at hon hevur HPV, skal hon enn til kanningar tvær ferðir um árið. Hetta elvir til ótta, bløðing og pínu.

Fotografur: Bárður Thomsen

Unga kvinnan er nú komin í ein aldur, har hon hugsar um at fáa børn. Hon óttast fyri sjúkuni og fylgjunum. 

Tí ein avleiðing av skurðviðgerðini er, at hon kann eiga ov tíðiliga.

Fotografur: Bárður Thomsen

Meira um hetta í Degi og viku í kvøld kl. 19.