Valdømi: Løgtingskvinnur ójavnar á máli

Løgtingskvinnur eru ikki einum máli, um vit skulu varðveita skipanina við einum valdømi, ella farast skal aftur til fleiri valdømi.

Tað kom fram á kjakfundinum í Norðurlandahúsinum í gjár, altjóða kvinnudagin.

Løgtingskvinnurnar, Sirið Steenberg úr Tjóðveldi og Elsebeth Mercedes Gunnleygsdóttir í Fólkaflokkinum, mæla til at fara aftur til fleiri valdømi og siga seg ikki stúra fyri kvinnuumboðanini.

Men Rósa Samuelsen, tingkvinna hjá Sambandsflokkinum, og Eyðgunn Samuelsen, tingkvinna hjá Javnaðarflokkinum, vilja halda fast um eitt valdømi, tí tær halda, at hendan skipanin tryggjar kvinnum betri umboðan á tingi.