Havi ikki neyðugu heimildina at samráðast

- Hóast eg helt meg hava heimild at samráðast við andstøðuna um nýggja fiskivinnupolitikkin, so føli eg nú, at eg ikki havi neyðugu heimildina, og tí má samgongan taka støðu til, hvat hon vil.

Tað sigur Jacob Vestergaard, landsstýrismaður, sum í gjár boðaði frá, at hann ikki sá nakra meining í at halda fram við samráðingunum við andstøðuna, fyrr enn samgongan hevur gjørt sær greitt, hvat hon ætlar á fiskivinnuøkinum.

Felags fatanin av fiskivinnupolitikkinum, sum vit høvdu í samgonguni 1. februar, tykist ikki at halda longur, sigur hann.