Jørgen Niclasen: Vit hava tvær avbjóðingar

Um góða viku skal landsstýrið lata løgtinginum uppskotið um játtanarkarmarnar fyri árini 2016-2020.

Tað er ein avbjóðing at fáa hallið burtur, men tað skal eydnast, sigur Jørgen Niclasen, landsstýrismaður í fíggjarmálum. Men 2016 er ikki einasta avbjóðingin, sigur hann.

Hoyr samrøðu við Jørgen Niclasen, landsstýrismann í fíggjarmálum.

Uppskotið um játtanarkarmarnar verður væntandi lagt fram týsdagin 31.mars, hóast tað er í dymbildagavikuni, og tá plagdi løgtingið at binda frið.

Men Jørgen Niclasen væntar ikki, at tey vera liðug við karmarnar, so til ber at leggja teir fram í næstu viku.