Símun Samuelsen: Hetta er ikki gott nokk

Símun Samuelsen, leikandi hjálparvenjari hjá HB, var ikki heilt nøgdur eftir 1-1 javnleikin ímóti TB við Stórá á Tvøroyri.

Hann helt, at HB átti at havt avgjørt dystin til egnan fyrimun síðstu løtuna, tá útiliðið hevði onkran stóran málmøguleika.

 - Hann liggur og dansar á linjuni har ímóti endanum, bæði Christian og René kunnu skjóta hann inn og Ivan var ikki eingong í málinum. Men held og óheld kann man ikki snakka um.

Tað endar 1-1, TB kempar gott og okur royna at fáa mál og fáa tað ikki, segði leikandi venjarin, sum sjálvur kom á vøllin í seinna hálvleiki. 

HB hevur nú sekstan stig og liggja átta stig aftanfyri oddaliðið, NSÍ.