Tóku uppskot um sáttmálarættindi aftur

Tríggjar ferðir er uppskotið fallið í løgtinginum. Fjórðu ferð slapp tingið ikki at atkvøða um tað, tí tað varð tikið aftur.

Eitt bræv frá Fiskimannafelagnum til Vinnunevndina fekk Javnaðarflokkin at taka uppskotið um sáttmálarættindi hjá útlendskum fiskimonnum aftur.

Kanska kemur tað aftur í løgtingið eftir ólavsøku, men tá sum eitt annað uppskot.

Aksel V. Johannesen, formaður í Javnaðarflokkinum, sigur, at flokkurin virðir tað, sum manningarfeløgini siga.

Men tað er ikki bara sum at siga tað, um neyðugt verður at broyta útlendingalógina, tí hon er donsk og verður ikki broytt frá degi til dags.