Arbeiðsbólkur útgreina IOC-umsóknina

Kaj Leo Holm Johannesen, løgmaður og Thomas Bach, forseti í Altjóða Olympisku Nevndini, hava gjørt av at seta ein arbeiðsbólk at greina tilgongdina í samband við føroysku umsóknina um limaskap frá 1984.

Tað var ein av niðurstøðunum á fundinum millum løgmann og Thomas Bach í dag. Fundurin varð hildin á høvuðsskrivstovuni hjá IOC í Lausanne í Sveis í gjár.

Løgmaður er væl nøgdur við fundin og heldur, at talan er um eitt frambrot.

Á fundinum varð avrátt at menna samstarvið millum føroyska ítrótt og Altjóða Olympisku Nevndina. Hetta verður gjørt í samstarvi við donsku olympisku nevndina.

Eisini er Thomas Bach boðin til Føroya fyri at fáa enn størri innlit í føroyska ítrótt.

Á fundinum í Lausanne vóru eisini umboð fyri ÍSF, og formaðurin í donsku olympisku nevndini luttók eisini.

Mynd: Kaj Leo Holm Johannesen, løgmaður, og Thomas Bach, forseti í Altjóða Olympisku Nevndini