Arbeiða ólønt á KOKS

Føroyska matstovan KOKS hevur so gott orð á sær, at fólk bjóða seg fram at arbeiða ólønt á matstovuni.

Tað hendir, at viðurkendar matstovur eru so dragandi, at fólk arbeiða uttan løn bara fyri at kunna vísa á, at tey hava arbeitt har.

Hendan tráanin hjá starvsfólki í matstovuvinnuni eftir góðskustempli kenna vit frá eitt nú NOMA og Geranium.

Hetta er nú eisini veruleiki á KOKS, sum í farnu viku varð kosin at vera besta matstova í norðurlondum.