Endurstovna ikki Norðuratlantsbólkin

Norðuratlantsbólkurin verður ikki endurstovnaður.

Tað sigur Høgni Hoydal, formaður í Tjóðveldi.

Hann var í gjár á fundi við IA á Christiansborg. Men formaðurin í Tjóðveldi ætlar kortini at fáa samstarv í lag við hinar norðuratlantisku flokkarnar.

Sjúrður Skaale, fólkatingslimur fyri Javnaðarflokkin, sigur, at flokkurin er sinnaður at samstarva við Tjóðveldi, IA og Siumut, og at støða verður tikin í hvørjum einstøkum máli.

Eisini ber til at gera verkætlanir saman, eins og Javnaðarflokkurin gjørdi saman við Sambandsflokkinum, sigur Sjúrður Skaale.