Frítekst tagging:
- Tíðindi, mentan og ítróttur
Merkið og ukrainska flaggið veittra uttan fyri tinghúsið
Merkið og ukrainska flaggið veittra uttan fyri tinghúsið
Formansskapurin vil á henda hátt vegna Løgtingið sýna áhaldandi stuðul til Ukraina
Mynd: Bjarni Árting Rubeksen
24.02.2025 - 13:41
Í sambandi við, at trý ár eru liðini, síðani Russland gjørdi innrás í Ukraina, er ukrainska flaggið vundið á stong saman við Merkinum uttan fyri Løgtingið.
Formansskapurin vil á henda hátt vegna Løgtingið sýna áhaldandi stuðul til Ukraina:
- Við hesum vilja vit sýna okkara áhaldandi stuðul og samhuga við Ukraina, ukrainska fólkinum og ikki minst teimum ukrainsku flóttafólkunum, sum nú liva og virka í Føroyum. Flokkarnir á tingi hava allir staðið saman um at taka ímóti flóttafólki úr Ukraina og at gera átøk at mótmæla krígnum, sum er eitt ógvisligt álop á frælsið og fólkaræðið hjá sjálvstøðugum tjóðum, sigur Bjørt Samuelsen, løgtingsforkvinna, sambært heimasíðuni hjá løgtinginum.
Løgtingforkvinnan hevur eisini í dag sent eina samhugaheilsan til Verkhovna Rada, sum er fólkavalda tingið í Ukraina.
(Myndir: Bjarni Árting Rubeksen)
Er kopiera
Nýggjastu sendingar í ÚV
Nýggjastu sendingar í SV
