Andstøðan: Samgongan eigur næsta leik

Samgongan eigur næsta leikin í kjalarvørrinum av niðurstøðuni hjá Hans Gammeltoft-Hansen, kanningarstjóra, í málinum um Eysturoyartunnilin.

Tað halda Aksel V. Johannesen, formaður í Javnaðarflokkinum, og Poul Michelsen, formaður í Framsókn.

Teir vísa á, at andstøðan løgdu fram uppskot um misálit á løgmann í hesum máli í oktober 2013, men tað varð felt.

Eirikur Lindenskov, politiskur viðmerkjari, heldur, at andstøðan hevur ongan skund, tí løgtingsval verður seinni í ár, og niðurstøðan hjá kanningarstjóranum styrkir ikki útgangsstøðið hjá samgonguni, tvørturímóti.

Mynd: Kaj Leo Holm Johannesen, løgmaður