Fólkaflokkurin bíðar eftir Sambandsflokkinum

Fólkaflokkurin hevur ongan hug at leggja seg út í niðurstøðurnar hjá kanningarstjóranum, Hans Gammeltoft Hansen, sum millum annað staðfestir, at Kaj Leo Holm Johannesen hevur brotið lógina um ábyrgd landsstýrismanna við at siga ósatt fyri løgtinginum.

Jørgen Niclasen vísir á, at Sambandsflokkurin nú er farin at viðgera støðuna innanfloks. Og tað skal flokkurin hava loyvi til, sigur hann.

Tí vil formaðurin í Fólkaflokkinum ídag ikki siga, um hann hevur álit á sínum samgonguleiðara: