Arbeiða í Havn, men sova í Suðuroy hvørja nátt

Skjótt fer kanska at bera til at fara í skúla ella til arbeiðis í Havn klokkan átta á morgni og kortini sova í Suðuroynni hvørja nátt.

Strandfaraskip landsins arbeiða við einari ætlan um at lata Smyril fara úr Suðri klokkan seks um morgunin.

Og Smyril fær gott internet, so skúlafólk kunnu gera heimaarbeiði á veg norður ella suðuraftur seinnapartin.

Fyribils verður ikki talan um fleiri túrar, men at fáa sum mest burtur úr tí túratali, sum longu er, sigur Hilmar Eliasen stjóri á Strandfaraskipum landsins, sum bjóðaði til almennan fund í gjárkvøldið um Suðuroyarsiglingina.