Rósa Maria frumframførd um 14 dagar

Dramakonsertin "Rósa Maria" byggir á søgu hjá føroyska rithøvundanum Jens Paula Heinesen, við sama heiti.

Fleiri ymiskar lagnur í Havn verða flættaðar saman í eitt nútímans drama um svik, sorg, kærleika, kæti, tráan og trongd. Unga gentan Rósa Maria stendur í miðjuni. Vit fylgja stríði hennara at mennast til eina búna kvinnu í eini torførari tíð.

Bergur Rasmussen hevur skrivað tekstirnar, og Jónleif Jensen hevur smíðað og lagt øll løgini til rættis í dramakonsertini. Tónleikaliga spennir Jónleif víða til leikin, rock, pop, klassiskt, musical, funk, singer-songwriter, balladir, rap... Rósa Maria hevur alt.