Óttast børnini í ferðsluni

Ov nógv ferðsla er, og vandin er ov stórur, tá børn ferðast í skúla- og dagstovnaøkinum í Klaksvík.

Tí má hámarksferðin setast niður. Tað sigur leiðarin á Drotning Margrethu barnagarði.

Arbeitt verður við málinum, sigur Tekniska deild í Klaksvíkar kommunu. Hámarksferðin er sett niður eina ferð áður, úr 50 til 40 km/t, og hon verður ikki sett longur niður. Tó fara tey at bøta um skeltingina í økinum í næstu viku.