Gunvá takkar fyri seg

Gunvá við Keldu takkar fyri seg eftir samfull 20 árum í býráðspolitikki. 

Í dag fer hon at njóta valdagin saman við pápa sínum, Jógvani við Keldu.

 - Áðrenn summarferiuna í fjør hugsaði eg, at "hetta fer at vera tað". Men ofta ert tú úthvíldur og spentur aftur eftir eina summarferiu, men tað vísti seg, at eg hevði tikið eina avgerð, sigur Gunvá við Keldu.

Jógvan við Keldu er eisini drúgvur í býráðspolitikki, og hevur - eins og dótturin - eisini sitið á fremsta og tyngsta politiska sessinum í Klaksvíkar kommunu. Hann hevur havt bæði upp- og niðurgangstíðir í Fólkaflokkinum, men nú er vinkulin ein annar.

 - Nú gleði eg meg bara at fáa tølini fram og at fáa gott ræst kjøt, sigur hann.