Sambandsflokkurin stóð seg ikki væl

Sambandsflokkurin hevur staðið seg illa til kommunalvalið í høvuðsstaðnum, síðan Heðin Mortensen fór upp í Javnaðarflokkin í 2004. Floksformaðurin vónar, at tær atkvøðurnar koma aftur til kommunuvalið um fýra ár.

Eitt er kommunuvalið. Sambandsflokkurin stóð seg heldur ikki væl á fólkatingsvalinum og løgtingsvalinum í høvuðsstaðnum í fjør.

Tí er floksleiðslan farin at venda sær til lokalfelagið, so flokkurin verður styrktur, sigur Bárður á Steig Nielsen, formaður í Sambandsflokkinum, við Una Holm Johannesen.