Hoyvíkssáttmálin: Loysn ella uppsøgn

Fæst Hoyvíkssáttmálin ikki at virka eftir endamálinum, so er betri, at hann verður settur úr gildi.

Tað sigur Poul Michelsen, landsstýrismaður.

Hesi 10 árini, Hoyvíkssáttmálin hevur verið í gildi, hava íslendingar økt sín útflutning til Føroya nógv, samstundis sum føroyski útflutningurin til Íslands hevur staðið í stað av forðingum av ymsum slag.

Tí skal ein loysn finnast, ella skal sáttmálin sigast upp, eru greiðu boðini frá landsstýrismanninum.