Turka fleiri skinkur og ostar

Nú Løgtingið hevur broytt matvørulógina, fer rættulig gongd at koma á at turka skinkur og ostar í Føroyum.

Tað eru sjey ár síðani tær royndirnar byrjaðu í smáum, og gongdin higartil hevur víst, at tað tekur hálvtannað ár at turka eina skinku og eitt ár at turka ein ost.

Og royndirnar hava verið somikið góðar, og skinkurnar sum verða turkaðar í Føroyum, kunnu samanberast við kendu italsku parmaskinkurnar, sigur Johan Mortensen, sum frá byrjan hevur verið við í arbeiðinum.