Teir spiltu møguleikan

bannari
06.10.2017 - 18:06
Innlendis›Politikkur
Teir spiltu møguleikan
- Fólkaflokkurin og Sambandsflokkurin høvdu møguleikan at gera meg til formann í Vinnunevndini, men nú er ov seint, sigur Jógvan Skorheim.

Bjørt Samuelsen avloysir nú Bjarna Hammer úr Javnaðarflokkinum sum forkvinna í Vinnunevndini.

Teir høvdu báðir møguleikan at vera formaður í vinnunevndini næstu tvey árini, men tá ið av tornaði atkvøddi bæði Bjarni Hammer úr Javnaðarflokkinum og Jógvan Skorheim úr Sjálvstýri fyri, at Bjørt Samuelsen úr Tjóðveldi skuldi gerast forkvinna.

Jørgen Niclasen og Jákup Mikkelsen úr Fólkaflokkinum og Helgi Abrahamsen úr Sambandsflokkinum skutu teir báðar upp sum formenn.

Sjálvstýri var í valbólki við samgonguni eftir valið í 2015, og Jógvan Skorheim sigur hetta vera orsøkina til, at hann atkvøddi fyri Bjørt Samuelsen, heldur enn at gera seg sjálvan til formann.

Formaðurin í Sjálvstýri heldur ikki at tilboðið frá Fólkaflokkinum og Sambandsflokkinum var nógv vert í tólvta tíma.

Javnaðarflokkurin hevði eina avtalu við Tjóðveldi frá byrjan av samgonguskeiðnum um at býta formanssessin í Vinnunevndini millum sín. Men Bjarni Hammer hevði kortini ynskt, at hann slapp at sita sum formaður, tá ið nýggja fiskivinnuskipanin verður samtykt.

Og nýggja forkvinnan ætlar sær framvegis at sóknast eftir breiðari semju í løgtinginum um fiskivinnunýskipanina, sigur hon.

Nývalda forkvinnan í vinnunevndini leggur afturat, at tað enn eru fitt av hoyringarfundum, sum vinnunevndin skal avgreiða áðrenn uppskotið um fiskivinnunýskipan kann koma aftur úr nevndini. Tí kemur uppskotið ikki til 2. viðgerð í løgtinginum fyrr enn um nakrar vikur.

 
Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592