Játta ikki pengarnar uttan víðari

Fíggjarnevndin hjá løgtinginum fer í morgun at viðgera umbønina frá landsstýrinum um átta milliónir afturat í ár til Landssjúkrahúsið, so vanliga ætlaða virksemið har kann halda fram.

Uppskotið um eykajáttan kom í tingið í gjár. 

Løgtingið samtykti við 17 atkvøðum fyri og 11 ímóti at víkja frá øllum tíðarfreistum.

Fundurin hjá Fíggjarnevndini verður klokkan hálvgum níggju. 

Sirið Stenberg, landsstýriskvinna, er biðin um at koma á fundin.