Margháttligt at lesandi skulu út í juli

126 nýggjar lestraríbúðir í Havn. Tað ljóðar gott - men trøðini vaksa vanliga ikki inn í himmalin, og tað gera tey heldur ikki hesu ferð

Tí tær snotiligu eittrúms-íbúðirnar á tí nýumvælda Finsen í Miðbýnum kosta millum 3.300 krónur og 5.500 krónur um mánaðin. 

Í Marknagili kosta bingju-íbúðirnar hjá smápartafelagnum Mark millum 3990 og 6000 krónur, og her skulu tey lesandi skriva undir uppá, at tey fara út ein mánað um árið. 

Hetttar ljóðar margháttligt, heldur Eyðgunn Samuelsen, landsstýriskvinna í almannamálum, sum eisini umsitur leigumál.

Bæði stjórin í Bústøðum og stjórin í smápartafelagnum MARK, sum byggja lestraríbúðir, eftirlýsa býli-stuðul til tey lesandi, tí íbúðirnar kunnu ikki gerast bíligari, siga teir.

Samgongan hevur júst hækkað lestrarstuðulin, men hon er sinnað at endurskoða ískoytið til býli, sigur Eyðgunn Samuelsen.

Hoyr innslagið her